De sai’ birkle vil de naikaitn as der Euregio Tirol-Sudtirol-Trentin enviretrong billt ver za laichtern de zòmmòrbet, s kennen se oa’s en ònder ont de lear va de stòttkearket ver de jungen van drai lender. Va de schual en sport, en de kultural, musik ont lear naikaitn, der Euregio tschbinnt vour ver de jungen van òlla de elter projektn iber en learnen, de zòmmòrbet ont de kamaròttschòft iber de grenzn.
Nèt ver nicht s sprichbourt tscherlt va de trentiner presidenz 2021-2023 ist “Der Euregio ist jung” ver za unterstraichen as der focus va de òrbet sai’ de jungen, pet en 2022 as ist s Europeische jor va de Jungkait aa.
Abia as denkt der president va de Autonome Provinz va Trea’t ont van Euregio, Maurizio Fugatti: “Investiarn af de jungen billt song investiarn en de zukunft. Ver dòs hom ber gabellt as der Euregio va de trentiner presidenz glaim en de jungen steat pet konkrete naikaitn ont naia òrbetn”.