Der Euregio Tirol-Sudtirol-Trentin klòfft bider en de lait as letrattarn ver za vinnen de schea’nestn letrattn van Euregio ver en Klender 2023. Haier aa de stòttkear as kemmen van drai lender sai’ inngalont za stelln vour de sai’na letrattn as de liaber hom ont bou as men sechen mu de schea’nekait van lònt van Euregio.
Van letrattn van lònt en de sèlln va architektur ont regionalkultur finz en de sèlln as lòng sechen ausònderkaitn van lònt: en de sèlln as toalnemmen kimmp baisa kòrt gem. Der bichteste tema ist der sèll van vòrm ont van viar jorzaitn. De schea’nestn pilder barn ausgraduckt kemmen en nai klender van Euregio, as bart gamòcht kemmen ver za hengen en au af de bontn ont za leing en af nen tisch aa.