L’ordenanza met en doura, estra la normes jà pervedudes a livel nazionèl e provinzièl, vèlch un diviet, vèlch un obligh e vèlch una racomanazion.

Diviec

• Limitazion a n numer massimal de 6 jent che tol pèrt a festes privates, ence che vegn endrezà dò da zerimonies ziviles e religiouses, co l’obligh rigorous de respetèr la normes generèles de stravardament (doura de la mèscra de protezion, distanziament sozièl e dejenfezion a dò a dò de la mans). Per la zerimonies ziviles e religiouses ge vel seghitèr a osservèr i provedimenc amò en doura aldò di protocoi provinzièi de steor.
• Cogn vegnir serà sù da mesanet duta la ativitèdes de restorazion (per se entener pub, bar, restoranc, pizeries e c.i.) .
• Diviet de se scontrèr te lesc publics canche se é più che 6 jent.
• Diviet de azess a la strutures sanitères, sozio-sanitères e sozio-assistenzièles per jir a troèr parenc o peconc ricoveré, opuramenter azess regolamentà, te caji foradeanter e aldò de autorisazion scrita da pèrt del responsabol sanitèr de la cèsa de paussa.
• Diviet per la persones residentes e domizilièdes tel Comun de jir, sun dut l raion provinzièl, ti lesc tant daìte che defora olache vegn metù a jir atività sportiva, tout ite palestres, scoles de bal e etres lesc someeanc, tout fora i atlec de enteress nazionèl.

Oblighes

• Limitazion massimala de 4 jent sora desch te duta la ativitèdes de restorazion, tel respet de duta la autra normes en doura aldò di protocoi provinzièi de setor.
• Possibilità de jir ite ti ofizies orii a la jent demò aldò de n apuntament e con doer da pèrt de responsabol de l’ofize de conservèr la lingia scrita de la jent che é ruà te ofize per n trat de temp de 14 dis alalongia.

• Defora di ofizies l’é l’obligh de tachèr sù n scartabel olache vegn metù dant l numer massimal de jent che pel ite tel medemo temp, aldò de la dimenscion del local e tel respet del distanziament sozièl.

Racomanazions

• Engaissèr l lurier a cèsa, canche l’é possibol, ti lesc de lurier publis o privac loghé tel tegnir de Comun.
• En referiment a jent che à più che 70 egn, ge vel limitèr i contac sozièi tolan ite demò la convivenzes strentes o i sogec che se cruzia de sia persona.

• Vegn racomanà de lascèr sù, o limitèr ai caji de besegn, la ativitèdes sozièles.

• Vegn racomanà, canche l’é possibol, de se emprevaler de locai publics loghé delaìte del tegnir de Comun.
• Vegn racomanà ai studenc e ai lurieranc che cogn se plindernèr fora dal tegnir de Comun de se spostèr demò tel cajo cèsa – scola/università o cèsa/lurier, osservan avisa la normes en cont del distanziament sozièl.

Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)