Concors fotografich: Cognoscer la sajons del Euregio
L Euregio Tirol-Sudtirol-Trentin l chier retrac dai colores vives del teritorie. Termin: ai 4 de setember del 2022. I pesć a la leta
L Euregio Tirol-Sudtirol-Trentin l se ouc endodanef ai fotografes amatorièi per troèr fora i retrac più bie del Euregio per l Calandèr 2023. Ence chest an i sentadins e la sentadines di trei raions i é envié a portèr dant si retrac più bie per poder aprijièr la beleza del teritorie Euregio.
Pel esser retrac de paesajes, de architetura e cultura regionèla e ence de elemenc carateristics del teritorie: a chi che tol pèrt ge vegn lascià libertà de esprescion. L argoment prinzipèl l é aboncont semper chel di colores e de la cater sajons. I retrac più bie i vegnarà publiché sul nef calandèr del Euregio, che l vegnarà fat tant te n format da poder tachèr su che da pojèr sun desch.