La forza di Musees, Dì internazionèla di Musees
En mercol ai 18 de mé del 2022 l é la dì internazionèla di Musees metuda a jir da ICOM, con argoment “La forza di Musees”, che la porta dant l’encèria e la forza di musees de mudèr l mond dintorn.
Te chesta ocajion l Museo Ladin vel portèr dant sie contribut col meter ensema n moment de condivijion inclusif averjan l museo debant en mercol ai 18 de mé, da les 3 domesdì a les 7 da sera.
Te la medema dì ruarà te Museo n grop de enfughé da l’Ucraina che à troà alberch te Fascia e che i podarà coscita cognoscer vèlch da nef en cont de la cultura e de la tradizion ladines.